حقو تعرف
انو ممكن وعادى جدا
أنسى كل القلتو ليك
واقسي برضو على عيونك
رغم انو ملاذي بيك
وارحل أمشى بعيد وأسافر
وما أفكر لحظة فيك
وأمشى فى الغربة واطول
لا أقابلك لا أشتهيك
واهدم امالى البنيتا
وانسى يوم اشتقت ليك
ابقى متملك حواسى
وما اهينا كرامتى بيك
وافضل اكتب فيهو شعرى
وعارفو برضو كتير عليك
لانو اسمى شعور عرفتو
ومستحيل فى يوم يجيك
واكتم الكلمة الحنينة
وما اصرح بيها ليك
وانسى رحلة ريدى واقطع
اى خيط يربطنى بيك




جيتك تانى
معاى اشواقى
وشايل ريدك احلى امانى
جيتك تانى وشايف الدنيا
وهم الدنيا بدور فى كيانى
جيتك بحلم وبطلب منك
ستة امانى
انك ترضى على من قلبك
وتفتحى صدرك لى من تانى
تمسحى كل الفات تنسيهو
ومانتخاصم تانى ثوانى
ونرجع نفتح صفحة ريدة
وباقى عمرنا نعيشو امانى
جيتك وشايل اكبر هم
وما مهتم لانو الهم معاك ما هم
لانك زوق واحساس وفهم
ولانك اجمل قصة ريد
عشتها بى اوتار ونغم
ولانك دنيا ملانة حنان
وطيبة روح وخفة دم
جيتك وخليت كل الكون
ما شايف غيرك تانى عيون
مشتاق لى شوفتك وبيك مفتون
بشرب من ريدك وزادى شجون
جيتك وشوقك زادنى جراح
وليلك ما ظن بعدو صباح
ما انتى الوطن العايش فيهو
وانتى الامل البحلم بيهو
وانتى النور البمشى عليهو
وانا من غيرك كيف برتاح
جيتك وشايل ريدك منية
وبكتب سيرتك اجمل غنية
جيتك بحلم افوز برضاك
افضل احبك وابقى حداك
ااطوف دنياك واعيش فى سماك
افرح بيك واتهنى معاك
واحلف انك اجمل دنيا








شكوى

كم صبرت عليك كتير
وياما عانيت فى هواك
وكم شقيت فى كل لحظة
لما امشى ورا خطاك
ياما شفت الويل فى حبك
وياما ضقت عذاب معاك
كنت بتخطى الصعاب
وبحلم انعم بى رضاك
وكنت دايما بحلم انى
ابقى من نجمات سماك
اضوى ليك فى كل ليلة
واستمد من نور بهاك
وابقى منك واصلى منك
ومانى من زولا سواك
لانو حبك فى دمايا
برضو حبى انا فى دماك
كل ما فاض حبى ليك
انت زايد فى علاك
نفسى ارجع قلبى منك
ماهو تايهة فى جواك
الا بس خايف وحاتك
يحن قليبى انا لى لقاك
وتانى اقوم عنك افتش
وابدا اساهر فى رجاك
وتانى اعيدو شريط اسايا
وابقى محصور فى مداك
كيف بتطلع من حياتى
انا ما لقيت لى حل معاك
وكل شكوى وليها داوى
الا انت صعب دواك















سراب
عشتك امل شفتك حلم
تابع خطاك
وما جنيت غير الظلم
شلتك منى وحاسيك الم
رافع هواك
راية وعلم
قايلك هناء وصوتك نغم
عايش معاك
لكنى ما لقيت ليك طعم
كلك خداع لونك وهم
تاثير غناك
فينى انعدم
حبك صراع قربك عشم
بكره لقاك
من غير ندم
صورتك سراب امل انهدم
انوار بهاك
زيف من عدم
ريدك عذاب جواى هم
رحمة سماك
اهة والم